二月九日帶d細路去睇牙醫。謙謙係第二次去，佢仲記得差唔多四個月前佢用咗strawberry味的fluoride。佢話今次要用「melon water」喎！積係西瓜味。
去到佢就帶住佢自己個黑超，好興奮咁跟住個牙醫姐姐入咗去。點解要帶黑超？佢話因為牙醫盞燈好「橙眼」喎！點解一枝箭咁跟住姐姐？因為佢話姐姐好靚女。我同妹妹响出面等，佢揸住個彈彈波同埋枝牙刷好開心出來。
妹妹上次坐响bb車喥打死都唔出來。喊到「湯」豬咁d醫生同姑娘都埋唔到身。結果大家都放棄了。
今次妹妹就西利啦！佢見到哥好開心咁入去，又好開心咁出來，佢等都等唔「切」咁叫我幫佢「除」jacket同帶黑超，跟住就跟咗姐姐入去了。我同謙謙等咗多個半個鐘，妹妹終於出來了。佢帶住黑超，揸住隻獅子公仔，一面跑，一面扮獅子叫咁出來。
牙醫姐姐話兩個小朋友都洗咗牙，「茶」咗fluoride。然後俾牙醫睇完先出來。