Posted by carol on Feb 28, 2009 in Family | Comments Off
其實係咁嘅，妹妹呢排唔知點解一瞓醒就勁喊。我聽到緊係唔理佢，等佢喊飽自己行出房，廢是佢以為一喊我就會去搶救佢。
今日都唔例外，妹妹瞓醒「雁」覺就喊到拆樓咁。我响出面都廢是理佢。點知過咗一陣，我聽到唔只一把聲喊，原來係佢地兩個一起喊，咁我就入房睇吓乜事。我一入房，謙謙响牀喥一隻手「禁」住佢滴緊尿的「下面」，一面喊住同我講「我＂拉＂尿呀！妹妹話唔俾我落去呀！點解佢唔俾我落去呀？嘩嘩嘩….」同一時間，妹妹喊得更大聲，因為我只用心聽哥哥講野（當時現塲實在太噪）。唉！真係諗起都「積」刻頭痛。
