妹妹係幫兇

Posted by carol on Sep 22, 2009 in Family | 2 comments

話說早兩個星期我叫d細路午睡。啊吱啊咗成個鐘都唔瞓。點知BONG一聲就聽到哥哥喊。我激鬼氣仲坐響梳杹話知佢，反正兄妹打鬥經常發生。點知哥哥喊唔收聲我終於死死地氣要做和事佬調庭。一入房哥哥喊住講：「我跌咗落牀呀！」我好驚訝地問:「點會跌落牀架？」我望下妹妹，佢就好無辜個樣望住我。經過一番調查後發現，原來哥哥想用樓梯落牀，點知妹妹發晒爛「炸」咁話：「NO THIS WAY! 」又指住牀頭講：「GO THAT WAY!」妹妹用手擋住樓梯不段地妨礙哥哥落牀，還同時妨礙哥哥的判斷力，游說哥哥，要哥哥從牀頭落。結果哥哥就BONG咗落牀。我叫哥哥苗述案發經過，佢話佢被惡勢力迫害，不得不向惡勢力屈服。幕後幫兇指使受害者利用「騎傅馬」的方發，一隻腳響牀裹面，另一隻腳半天吊坐在牀頭外，然後幕後主腦幫手拉半天吊的腳。結果受害者就失去平衡，跌咗落牀。幸好只是眼角受皮外傷，並無大礙。