Posts related to family, enjoy!
你梗係以為我俾阿仔激到嘔，但係激到嘔嗰個唔係我，係阿妹！
話説今日夜晚吃完晚飯就一家大細去大統華買餸。買完之後爸爸就load D嘢上車，我就load D細路上車。阿仔就由阿妹嗰邊個門上先。點知當佢經過阿妹個car seat時，就「禮」手攞走咗阿妹心愛的玩具。阿妹一見到就當堂深呼吸然後發晒顛咁叫＂Nooooooo!”。阿哥梗係當阿妹無到，揸住個玩具返自己個位坐。阿妹見到咁就「慶」過辣雞，再深呼吸，好似恐龍噴火咁再叫多次＂Nooooooo!”點知今次叫完之後佢即刻發出「ur」一聲，然後嘔咗一「pat」白色嘅嘢出來。好彩嘔咗响個parking喥，如果唔係架車就臭死啦！你話係咪名符其實嘅激到嘔。
Last night整咗日本魚片湯，d細路好鐘意吃d魚片。哥哥一路吃一路對往妹妹講「你冇得吃！你冇得吃！」講咗幾次妹妹終於出聲。妹妹話「我唔聽到你講嘢，我吃緊飯！」妹妹一於當哥哥發「鴨」瘋，繼續吃飯。真係串！
其實係咁嘅，妹妹呢排唔知點解一瞓醒就勁喊。我聽到緊係唔理佢，等佢喊飽自己行出房，廢是佢以為一喊我就會去搶救佢。
今日都唔例外，妹妹瞓醒「雁」覺就喊到拆樓咁。我响出面都廢是理佢。點知過咗一陣，我聽到唔只一把聲喊，原來係佢地兩個一起喊，咁我就入房睇吓乜事。我一入房，謙謙响牀喥一隻手「禁」住佢滴緊尿的「下面」，一面喊住同我講「我＂拉＂尿呀！妹妹話唔俾我落去呀！點解佢唔俾我落去呀？嘩嘩嘩….」同一時間，妹妹喊得更大聲，因為我只用心聽哥哥講野（當時現塲實在太噪）。唉！真係諗起都「積」刻頭痛。
今日去謙謙學校做duty，老師讀咗一本故事書。老師故意唔俾d小朋友睇到d公仔，要佢地聽完之後用佢地嘅想像力畫出有關故事中的角色。點解老師要咁做呢？因為下個月老師就會帶小朋友去Granville Island睇話劇。個故事就係今日讀嗰本書。咁d小朋友就可以relate what they think and what they see. 睇show嗰時就會更make sense, 更投入。真有意思！
二月九日帶d細路去睇牙醫。謙謙係第二次去，佢仲記得差唔多四個月前佢用咗strawberry味的fluoride。佢話今次要用「melon water」喎！積係西瓜味。
去到佢就帶住佢自己個黑超，好興奮咁跟住個牙醫姐姐入咗去。點解要帶黑超？佢話因為牙醫盞燈好「橙眼」喎！點解一枝箭咁跟住姐姐？因為佢話姐姐好靚女。我同妹妹响出面等，佢揸住個彈彈波同埋枝牙刷好開心出來。
妹妹上次坐响bb車喥打死都唔出來。喊到「湯」豬咁d醫生同姑娘都埋唔到身。結果大家都放棄了。
今次妹妹就西利啦！佢見到哥好開心咁入去，又好開心咁出來，佢等都等唔「切」咁叫我幫佢「除」jacket同帶黑超，跟住就跟咗姐姐入去了。我同謙謙等咗多個半個鐘，妹妹終於出來了。佢帶住黑超，揸住隻獅子公仔，一面跑，一面扮獅子叫咁出來。
牙醫姐姐話兩個小朋友都洗咗牙，「茶」咗fluoride。然後俾牙醫睇完先出來。
我大概三個星期前咳到死死吓。一個星期都好唔番，然後變成bacteria infection，搞到雙眼發炎。跟住pass咗俾亞仔，令到佢耳仔同雙眼發炎。吃咗十曰antibiotics今日終於唔洗吃葯。不過又輪到爸爸，佢又咳到聲都變埋。希望that’s the end of the chain.
幾個月前，謙謙偶爾會跟妹妹說：「no do that!」誰不知前兩日哥哥搶妹妹嘢，妹妹竟然指住哥哥說：「no do that!」佢又叫又喊重復講咗好多次。爸爸第一次聽到都唔知佢講乜。我就覺得好surprise,原來佢學識好多嘢等時辰到先爆出來。。
仲有，佢成日問我地「做乜嘢？」如果小心d聽，其實佢係講「做nut 呢？」佢話「叉差荼」，其實係「菊花荼」。佢話「錢煎」，其實係「自己」。 佢話「車郁郁」，其實係「cheerios」。怪唔知得我亞媽話聽唔明彤彤講乜啦！我就覺佢咬字清晰，仲好cute添！
謙謙老師跟同學們創造了一個屬於他們的故事。同學們要用他們的創造力和想像力去構思故事內容和人物。在創造的過程中，小朋友要跟大家一起參與和討論。故事人物分別有mermaid, mickey, superman和princess. 謙謙自願要做mickey.
故事內容係咁：
Mermaid & mickey响水喥玩，點知superman跳咗入水喥搞破壞。响x’mas之前個日，mickey終於教superman做乖乖。到x’mas正日啦！princess出現啦！princess見到mickey 同superman咁乖就邀請他們到princess屋企玩。mermaid冇得去，因為mermaid只可以留响水中。The end.
下次上堂，佢地就要想像吓點樣扮演佢地所選的角色。謙謙話，番學真好玩！
上兩個星期，謙謙學校要小朋友做冰和水的實驗。小朋友要親手把水變做冰。下次上課，science table有些冰和電筒，老師要他們試下把冰變做水。謙謙話電筒裏面的燈會發熱，所以冰會溶咗變成水。再下一堂，老師問小朋友，如果將橙汁放响freezer喥，咁又點呢？小朋友都唔知道。他們每五分鐘去freezer check一次，點知check到放學都冇變動。再下一堂，橙汁終於變成橙汁冰。小朋友發現，原來橙汁冰係橙色嫁！snack time嘅時候，老師俾佢地試吃橙汁冰。小朋友又發現橙汁冰係橙味嫁！真係神奇！
昨天彤彤話急屎，我就擺佢响廁所喥自己坐。跟住過咗一陣佢自己落地話冇得呵，咁佢就冇穿褲到處走。我就幫哥哥吃午飯。然後佢一直說「地下有廁紙，媽媽＂汁＂噃啦！」說了很多次我都不理她。我仲同佢講「你自己＂汁＂啦！」等到我有時間了，我就問她「廁紙在哪理啊？」。佢指住walk in closet嗰地下說「地下有廁紙，媽媽＂汁＂噃啦！」嘩！原來不是廁紙，是舊屎！